Yfirlit frétta

BHM, heildarsamtök háskólamenntaðra á vinnumarkaði, gangast nú í fjórða sinn fyrir rafrænni kjarakönnun sem ætlað er að gefa yfirgripsmikla mynd af kjaramálum félagsmanna. Í aðdraganda kjaraviðræðna hafa notagildi kjarakannana síðustu þriggja ára sannað sig svo um munar, enda hefur góð þátttaka í þeim vakið verðskuldaða athygli. Félagsmenn eru eindregið hvattir til að taka þátt í þessari árlegu könnun og leggja þannig sitt af mörkum til að markmið hennar nái fram að ganga. Kjarahluti könnunarinnar er nú bæði styttri og einfaldari en áður.

Eftirfarandi fréttatilkynning sendi BHM frá sér í gær. Félagsmenn BHM hjá sveitarfélögunum hafa verið samningslausir í rúmt hálft ár og kjaraviðræður við Samband íslenskra sveitarfélaga hafa dregist úr hömlu. Þungur tónn er í fólki, sem íhugar aðgerðir. Ofan á þetta bætist að sífellt erfiðara verður að fá háskólamenntaða sérfræðinga til starfa í sveitarfélögunum. Ef ekki verður gripið í taumana er grunnþjónusta sveitarfélaganna í hættu.

Allir eiga rétt á því að starfsumhverfi þeirra einkennist af gagnkvæmri virðingu í samskiptum. Í því felst að starfsmenn eiga rétt á því að njóta skilyrðislausrar verndar gegn kynbundinni og kynferðislegri áreitni og öðru ofbeldi á vinnustað. Nú er kominn út bæklingur þar sem farið er yfir ýmis atriði tengt kynbundinni og kynferðislegri áreitni og ofbeldi á vinnustöðum. Að bæklingnum standa ASÍ, BHM, BSRB, KÍ, Jafnréttisráð og Jafnréttisstofa. Hann kemur út í dag, 8. mars, á alþjóðlegum baráttudegi kvenna.

Hvar stöndum við? - Hvert stefnum við? Á þessu ári eru liðin fjörutíu frá stofnun Landssamtakanna Þroskahjálpar. En þó að samtökin séu síung og kröftug og allt sé fertugum fært er hollt og nauðsynlegt að staldra annað slagið við og spyrja sig nokkurrra mikilvægra spurninga. Fertugsafmæli er mjög gott tilefni til þess. Hvar stöndum við? Hvað gerum við vel? Hvað þurfum við að gera betur? Hvert stefnum við?

Kynbundin og kynferðisleg áreitni og ofbeldi á vinnustöðum BHM, Alþýðusamband Íslands, BSRB, Kennarasamband Íslands, Jafnréttisstofa og Jafnréttisráð efna til hádegisverðarfundar þriðjudaginn 8. mars 2016 þar sem fjallað verður um kynbundna og kynferðislega áreitni og ofbeldi á vinnustöðum.

Kæri málþingsgestur Takk fyrir samveruna síðast liðinn föstudag. Þingið var afar vel sótt eða rúmlega 300 manns. Miklar og gagnlegar umræður sköpuðust í hverju pallborði og því ljóst að umræðan var þörf. Í fyrsta lagi eru hér um að ræða vinnuverndarsjónarmið, hver er ábyrgð vinnuveitenda, ábyrgð fagmannsins og skaðabótakrafa samkvæmt kjarasamningi? Bæta þarf réttarstöðu stéttarinnar án þess að það fari gegn hugmyndafræði, gildismati og viðhorfi hennar.

Undirritaður var nýr kjarasamningur við Skálatún í dag. Tilkynning hefur verið send til félagsmanna ÞÍ starfandi á Skálatúni. Kynning verður á Skálatúni þriðjudaginn 26. janúar klukkan 13:30 og kosning strax í kjölfarið.

Undirritaður var nýr kjarasamningur við Ás styrktarfélag í dag. Tilkynning hefur verið send til félagsmanna ÞÍ starfandi hjá Ási styrktarfélagi. Kynning verður í Lækjarási miðvikudaginn 20. janúar klukkan 15:30 og kosning strax í kjölfarið. Einnig verður hægt að kjósa á skrifstofu félagsins í Borgartúni 6, fimmtudaginn 21. janúar frá kukkan 9 - 16 og föstudaginn 22. janúar frá klukkan 9 - 12.

Málþing Þroskaþjálfafélags Íslands 2016 verður föstudaginn 29. janúar næstkomandi frá klukkan 8:30 - 16:30. Málþingið verður haldið á Grand Hótel og er ætlað að taka á þeim þáttum í störfum er snúa að ofbeldi sem starfsfólk getur orðið fyrir. Þátttökugjald er krónur 12.000 en ÞÍ niðurgreiðir málþingið fyrir félagsmenn ÞÍ (fagaðila og fyrrum félagsmenn sem hafa hætt sökum aldurs) og þroskaþjálfanema og er því þátttökugjald þeirra krónur 7000. Allar veitingar eru innifaldar í þátttökugjaldi.

Málþing Þroskaþjálfafélags Íslands 2016 verður föstudaginn 29. janúar næstkomandi frá klukkan 8:30 - 17:00. Málþingið sem ber heitið „Ofbeldi í starfi“, verður haldið á Grand Hótel og er ætlað að taka á þeim þáttum í störfum okkar er snúa að ofbeldi sem starfsmenn geta orðið fyrir. Fyrirlesarar verða meðal annarra: Þroskaþjálfarnir Arne Friðrik Karlsson, Kolbrún Ósk Albertsdóttir og Soffía Lárusdóttir. Guðmundur Sævar Sævarsson, réttarhjúkrunarfræðingur, sálfræðingurinn Jóhann Thoroddsen og lögfræðingur BHM Erna Guðmundsdóttir.