Fréttasafn

Vistheimilanefnd óskar vinsamlegast eftir því að þeir sem vistaðir voru sem börn á Kópavogshæli, eða aðstandendur þeirra, og hafa áhuga á því að veita nefndinni viðtal og upplýsa hana um vistunina, hafi samband við nefndina fyrir 1. febrúar 2016 í síma 545 8461 eða á netfangið vistheimilanefnd@for.is Jafnframt óskar vistheimilanefnd vinsamlegast eftir því að þeir sem störfuðu á Kópavogshæli á umræddu tímabili, og búa yfir upplýsingum sem varpað geta ljósi á þau atriði sem nefndinni ber að kanna, hafi samband með sama hætti. Samkvæmt erindisbréfi forsætisráðherra frá 4. júlí 2012, á grundvelli laga nr. 26/2007, um skipan nefndar til að kanna starfsemi vist- og meðferðar¬heimila fyrir börn (vistheimilanefnd), ber nefndinni að kanna hver hafi verið tildrög þess að börn voru vistuð á Kópavogshæli, hvernig opinberu eftirliti hafi verið háttað með starfsemi stofnunarinnar og hvort börn sem þar voru vistuð hafi sætt illri meðferð eða ofbeldi á meðan á dvöl þeirra stóð. Könnun vistheimilanefndar tekur til einstaklinga sem vistaðir voru á Kópavogshæli fyrir 18 ára aldur á árunum 1952-1993.

Ríki og sveitarfélög undirrituðu í dag lokasamkomulag um fjárhagsramma þjónustu sveitarfélaga við fatlað fólk. Nánari upplýsingar um samkomulagið er hægt að nálgast á vef velferðarráðuneytisins. ps://www.velferdarraduneyti.is/frettir-vel/nr/35396 Lesa meira

Þann 20. nóvember verður Arne Friðrik Karlsson, þroskaþjálfi, með fyrirlestur fyrir fag- og stéttarfélaga Þí. Þar verða kynntar grunnstoðir hugmyndafræðinnar um Þjónandi leiðsögn, uppruna hennar og sögu á Íslandi. Þjónandi leiðsögn byggir á einstaklingsmiðaðri nálgun þar sem samskipti á milli starfsfólks og notenda eru þungamiðjan. Mannleg gildi, vinátta, umhyggja, tengsl og hvatning eru grundvallaratriði í öllum samskiptum. Lögð er áhersla á að nálgast einstaklinginn með alúð, vináttu og umhyggju og hvetja hann til að setja sér markmið og veita aðstoð við að ná þeim.

Þroskaþjálfafélag Íslands stefndi Reykjavíkurborg fyrir Félagsdóm til að fá viðurkennt að skrá yfir þau störf hjá Reykjavíkurborg sem eru undanþegin verkfallsheimild og birt var í B-deild stjórnartíðinda með auglýsingu nr. 80, þann 30. janúar 2015, taki ekki til félagsmanna stefnanda sem starfa á Áfangastaðnum Hátúni, Sambýlinu Bröndukvísl, Sambýlinu Hólmasundi, Sambýlinu Sólheimum og Sambýlinu Vesturbrún.

Félagsdómur sýknaði íslenska ríkið í máli sem Ljósmæðrafélag Íslands höfðaði vegna vangoldinna launa ljósmóður vegna vinnu í verkfalli. Tveir dómarar skiluðu séráliti þar sem fallist var á kröfu félagsins.

Þann 2. október höldum við upp á alþjóðlegan dag þroskaþjálfa og viljum við minna á störf þroskaþjálfa um allan heim. Þroskaþjálfar hafa kunnáttu og þekkingu til að veita fötluðum og öðrum sem hafa skerta færni þann stuðning sem fólk þarfnast. Reynslan sýnir að þroskaþjálfar hafa mikilvægu hlutverki að gegna og þjóna fjölbreyttum hópum í samfélaginu. #thefinestjobintheworld #socialeducator #þroskaþjálfi

Alþjóðlegur dagur þroskaþjálfa er haldinn þann 2. október. Þroskaþjálfar ætla að vera sýnileg og merkja „prófíl“ myndina okkar eða forsíðu myndina af okkur á facebook með því að setja merki félagsins á hana. Það er gert með því að hafa facebook opið á vafranum, smella hér á þennan tengil "merki á prófílmynd" Eins hafa alþjóðasamtökin stofnað viðburð á facebook fyrir þroskaþjálfa á heimsvísu til að fagna deginum. Þar eru þroskaþjálfar beðnir um að deila því með öllum hvers vegna þú „átt bestu vinnu í heimi“ – Why do YOU have the finest job in the world?“ Eins ef þú setur inn stöðutilkynningu á facebook og segir frá því hve stoltur þroskaþjálfi þú ert og endar þá færsluna á #thefinestjobintheworld #socialeducator #þroskaþjálfi þá er hægt að skoða þær færslur á sama stað. Það væri líka gaman ef þú tækir myndir og deilir á facebook af því skemmtilega sem þú og félagarnir gerðuð í tilefni dagsins og endilega að nota þá sömu „hastögg“ #thefinestjobintheworld #socialeducator #þroskaþjálfi Minnum á facebook síðu félagsins: http://www.facebook.com/throska

Þann 24. september var tekið fyrir í Félagsdómi mál Þroskaþjálfafélags Íslands á hendur Reykjavíkurborg varðandi störf sem undanþegin eru verkfallsheimild og birt voru í B-deild stjórnartíðinda með auglýsingu nr. 80, þann 30. janúar 2015. Þroskaþjálfafélag Íslands lítur svo á að auglýsingin taki ekki til félagsmanna ÞÍ sem starfa á Velferðasviði og hafa starfsheitið þroskaþjálfi eða deildarstjóri/yfirþroskaþjálfi. Niðurstöðu er að vænta innan fjögurra vikna.