Þroskaþjálfi, Barnaskólinn á Eyrarbakka og Stokkseyri

Staða þroskaþjálfa við Barnaskólann á Eyrarbakka og Stokkseyri er laus til umsóknar. Um er að ræða 100% stöðu frá og þarf viðkomandi að geta hafið störf sem fyrst.

Í Barnaskólanum eru nemendur í 1. - 10. bekk og fjöldi nemenda er um 140. Um er að ræða tvær starfsstöðvar og eru um 5 km á milli þeirra. Önnur er á Stokkseyri og þar eru nemendur 1. - 6. bekkjar. Á Eyrarbakka eru nemendur 7. - 10. bekkar.

Við leitumst eftir að ráða metnaðarfullan og drífandi einstakling í starf þroskaþjálfa við skólann. Ef ekki fæst þroskaþjálfi leitum við eftir öðrum með fagmnenntun sem hentar í starfið. Starfið krefst skipulagshæfni, hæfni til að veita faglega þjónustu og hæfni í mannlegum samskiptum.

Í starfinu felst umsjón með námi og skólagöngu nemenda með sértæka námsaðlögun. Námsefnisgerð og einstaklingsþjálfun er stór hluti af daglegum störfum. Starfið er bæði fjölbreytt og krefjandi.

Hæfniskröfur

  • háskólamenntun í þroskaþjálfafræðum
  • leiðtoga og skipulagshæfileikar
  • hæfni í mannlegum samskiptum
  • frumkvæði og sjálfstæði í starfi
  • áhugi á að vinna með börnum
  • jákvæðni og góð þjónustulund
  • almenn tölvukunnátta æskileg
  • hæfni til að tjá sig í ræðu og riti á íslensku

Laun eru samkvæmt kjarasamningi Sambands íslenskra sveitarfélaga og Þroskaþjálfafélag Íslands.

Nánari upplýsingar um starfið Magnús J Magnússon skólastjóri eða Sædís Ósk Harðardóttir, deildarstjóri stoðþjónustu í síma 4803200

Umsóknarfrestur er til og með 12. febrúar næstkomandi.