LAUST STARF VERKEFNASTJÓRA - SAMÞÆTT ÞJÓNUSTA OG BARNVÆNT SVEITARFÉLAG

Akraneskaupstaður auglýsir eftir verkefnastjóra í til að stýra stefnumótun og innleiðingu á samþættri þjónustu við börn og foreldra og verkefninu Barnvænt sveitarfélag. Um 100% starf til tveggja ára er að ræða. Starf verkefnastjóra mun taka mið af lögum um samþættingu þjónustu í þágu farsældar barna.

Akraneskaupstaður er ört vaxandi bæjarfélag með rúmlega 7500 íbúa. Mikil áhersla er lögð á góða þjónustu við bæjarbúa og fagleg vinnubrögð. Sveitarfélagið er meðal stærstu vinnuveitenda á Akranesi og starfa hjá bænum um 600 manns.

Helstu verkefni og ábyrgð
  • Stýrir stefnumótun og innleiðingu á samþættri þjónustu við börn og foreldra
  • Stýrir innleiðingu á verkefninu Barnvænt sveitarfélag
  • Vinnur að samþættingu þjónustustofnana í nærumhverfi barna og fjölskyldna
  • Stýrir vinnu þvert á fagsvið Akraneskaupstaðar
  • Ráðgjöf og þverfagleg teymisvinna
Menntunar- og hæfniskröfur
  • Háskólamenntun á sviði félags- heilbrigðis- og/eða menntavísinda
  • Þekking og reynsla af vinnu einstaklingsmála í þjónustu við börn og fjölskyldur
  • Reynsla af vinnu við þróunarverkefni eða innleiðingu á breytingum á vinnustað æskileg
  • Reynsla af verkefnastjórnun æskileg
  • Framúrskarandi leiðtoga og samskiptahæfni
  • Framsýni, frumkvæði og metnaður til að ná árangri í starfi
  • Sjálfstæði í vinnubrögðum og skipulagshæfni
  • Gott vald á íslensku ásamt hæfni í tjáningu í ræðu og riti
  • Hreint sakavottorð

Með umsókn skal fylgja skrá yfir menntun og starfsferil, kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Umsóknarfrestur er til 2. mars n.k.

Nánari upplýsingar um starfið veita Svala Hreinsdóttir sviðsstjóri velferðar- og mannréttindasviðs og Valgerður Janusdóttir sviðsstjóri skóla- og frístundasviðs í síma 433-1000.

Sótt er um hér