Heilsugæsla höfuðborgarsvæðisins leitar eftir þroskaþjálfa í starf málastjóra í Geðheilsuteymi taugaþroskaraskana. Teymið er í stöðugri þróun, því gefast mörg tækifæri til að þróa faglega sérþekkingu.

Geðheilsuteymi taugaþroskaraskana sinnir einstaklingum, 18 ára og eldri með þroskahömlun og klínískan geðrænan vanda og/eða krefjandi hegðun. Skjólstæðingar teymisins hafa oft á tíðum annan fjölbreytilegan taugaþroska og/eða sjúkdóma. Áhersla er lögð á þverfaglegt starf og unnið er þvert á stofnanir heilbrigðis- og velferðarþjónustu á landsvísu.

Ef þú hefur áhuga á vinna í fjölbreytilegri samfélagsgeðþjónustu og í öflugri teymisvinnu, þar sem góður starfsandi ríkir, þá er þetta spennandi tækifæri.

Um er að ræða 100 % tímabundið starf og ráðið er í starfið frá 15. ágúst eða eftir nánara samkomulagið.

• Sinna málastjórn
  Skipuleggur og veitir einstaklingsmiðaða ráðgjöf, meðferð og stuðning til notanda, aðstandenda og þjónustuveitendur
  Þátttaka í að efla og innleiða nýjungar í starfi
  Hefur heildarsýn yfir skjólstæðingahópinn og vinnur þvert á teymið
  Önnur verkefni sem starfsmanni er falin af yfirmanni

Viðkomandi mun starfa í þverfaglegum teymum í náinni samvinnu við starfsfólk heilsugæslustöðva, félagsþjónustu, geðsviðs Landspítala, annarra stofnana og samtaka.

• Starfsleyfi frá landlækni sem þroskaþjálfi
  Hagnýt starfsreynsla a.m.k. 5 ár
  Þekking á skipulögðum vinnubrögðum (TEACCH)
  Góð þekking og reynsla á málaflokknum
  Skipulagshæfni og sjálfstæði í vinnubrögðum
  Áhugi á að starfa út í samfélaginu
  Framúrskarandi samskiptahæfni, félagslyndi, jákvætt viðmót og frumkvæði
  Hæfni og áhugi á teymis-og verkefnavinnu
  Mjög gott tölvulæsi
  Íslensku kunnátta skilyrði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Katli Berg Magnússyni, framkvæmdarstjóra mannauðs Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindarstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.