Það verður að vera gaman - annars er svo leiðinlegt!

 

Fræðsludagar Þroskaþjálfafélags Íslands verða haldnir dagana 8.–9. apríl 2027 á Hótel Selfossi. Dagsetningin er valin í samræmi við niðurstöður könnunar sem send var félagsmönnum eftir síðustu fræðsludaga, en meirihluti þátttakenda óskaði eftir að viðburðurinn yrði færður til aprílmánaðar.

 

Á fræðsludögum fléttum við saman gleði og faglegri starfsþróun. Í siðareglum okkar kemur skýrt fram að okkur sé skylt að viðhalda faglegri þekkingu, ígrundun og gæðum í daglegu starfi. Til að standa undir þeirri ábyrgð til lengri tíma er grundvallaratriði að við hlúum að okkur sjálfum, bæði faglega og persónulega. Dagskráin spannar allt frá hagnýtum bjargráðum og árangursríkri streitustjórnun, yfir í það hvernig við nýtum húmorinn sem markvisst verkfæri á vinnustað. Gefum okkur rými til að koma saman, hlæja og deila reynslu, því vellíðan og sterk fagleg sjálfsmynd er forsenda þess að við getum áfram staðið vörð um mannréttindi og lífsgæði þeirra sem við störfum með.

 

Endilega takið dagana frá. Nánari upplýsingar um dagskrá og opnun skráningar verða kynntar þegar nær dregur.