Forstöðumaður yfir heimilum fyrir börn
09.10.2025
Leitað er að öflugum forstöðumanni til starfa á heimili fyrir fötluð börn. Um er ræða 100% starf sem felur í sér yfirumsjón með tveimur heimilum fyrir börn og mikilvægt að viðkomandi geti hafið störf sem fyrst. Leitað er að einstaklingi sem er tilbúinn að vinna eftir þjónandi leiðsögn með áherslu á sjálfstætt líf. Heimilið er rekið af fjölskyldusviði Árborgar en tilheyrir Byggðarsamlagi Bergrisans Bs.
Um er að ræða 100% starf.
Í Sveitarfélaginu Árborg búa tæplega 13.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.
Helstu verkefni og ábyrgð
- Hefur forystu, stýrir og ber ábyrgð á að unnið sé samkvæmt lögum og reglugerðum í málefnum fatlaðs fólks.
- Fjárhagsleg ábyrgð á rekstri heimilins ásamt stjórnun og starfsmannamálum.
- Gerð starfsáætlana, vaktaskipulags og framkvæmdaáætlana.
- Innkaup vegna reksturs og umsjón eignar.
- Að vinna eftir kröfulýsingu heimilisins.
- Ábyrgð á velferð og þjónustu við íbúa, stýri að þeir fái þá þjónustu og þjálfun sem nauðsynleg er til að efla sjálfstæði þeirra og færni og þeim nýtist almenn þjónusta.
- Samskipti við helstu samstarfsaðila
Menntunar- og hæfniskröfur
- Þroskaþjálfamenntun og starfsleyfi sem þroskaþjálfi eða önnur háskólamenntun sem nýtist í starfi svo sem starfsréttindi sem félagsráðgjafi.
- Reynsla af stjórnunarstörfum og mannauðsstjórnun er skilyrði.
- Þekking á málefnum fatlaðs fólks skilyrði.
- Rík þjónustulund, lipurð og færni í mannlegum samskiptum.
- Góð samskiptahæfni, leiðtogahæfni og hæfni til að vinna faglega með börnum, foreldrum og samstarfsaðilum.
- Skipulögð og sjálfstæð vinnubrögð.
