Þroskaþjálfa vantar í starf með fötluðu fólki á Hæfingarstöðina að Bæjarhrauni.

Þar fer fram þjónusta við fólk með langvarandi stuðningsþarfir. Lögð er áhersla á skipulagða vinnu í grunn- og skynörvun annarsvegar og hins vegar þjálfun í notkun óhefðbundinna tjáskipta, ávallt með áherslu á notkun nýjustu tölvutækni.

Í boði er framtíðarstarf í 100% dagvinnu. Um er að ræða spennandi-, lærdómsríkt- og framsækið starf með fjölbreyttum verkefnum. Lögð er áhersla á góða aðlögun í starfið.

Helstu verkefni og ábyrgð:

  • Taka þátt í starfi með þjónustunotendum með áherslu á að auka færni í óhefðbundnum tjáskiptum.
  • Stuðla að virkni, velferð og vellíðan þjónustunotenda.
  • Fylgja eftir einstaklingsmiðuðum þjálfunaráætlunum og starfsáætlun.

Menntunar- og hæfniskröfur:

  • Þroskaþjálfamenntun og starfsleyfi sem þroskaþjálfi (leyfisbréf fylgi umsókn)
  • Sérþekking og/eða reynsla í vinnu með einhverfum einstaklingum er æskileg.
  • Áhugi á málefnum fatlaðs fólk.
  • Samstarf- og skipulagshæfileikar.
  • Samviskusemi, þolinmæði og hæfni í mannlegum samskiptum.
  • Jákvætt viðmót og rík þjónustulund.

Nánari upplýsingar um starfið veitir Halla Harpa Stefánsdóttir forstöðuþroskaþjálfi virka daga í síma 565-0446, milli kl. 08.00-16.00.

Umsóknarfrestur er til og með 29. júní 2020.

Með umsókn skal fylgja greinargóð ferilskrá.

Laun samkvæmt gildandi kjarasamningi Sambands íslenskra sveitarfélaga við Þroskaþjálfafélag Íslands.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.